Izinkondlo: Shwa Shwi, Shwi dolo

Shwa Shwi, Shwi dolo

Kushubile phandl' amakhaz' aqhaqhazelis' amadolo,
Akukh' okuyongilamulela ngaphandle kwemibono yengqondo,
Inhliziy' igodole sekuzekwaphel' ozavolo,
anginakusola muntu yimin' isishimane soqobo,

Shwa Shwi, Shwi dolo
ngisendlini ngihleli ngedwa,
ngizw' amazw' abangani phandl' engimemeza,
"yiza sambe siyobabheka, sheshisa uyasibambezela"
Ngiyaphi pho mina kulamakhaza ngob' anginaye noMABHEBEZA,

Shwa Shwi, Shwi dolo
Ngikhumul' engikugqokile ngishon' engubeni,
Usizi lungikhungethe lubhalwe nasebusweni,
Kungcon' uma sekumnyama nami ngiyathandan' ephusheni,

Shwa Shwi, Shwi dolo
Sekusile kufudumele,
Ngigezile ngichophile ngigqok' ezikanokusho,
Engizitheng' izolo esitolo sikanokusho,
Sengizimisele ngokushel' umntwan' omuhle kanokusho,

Shwa Shwi, Shwi dolo
Kunjani mntwana nginguSPHAMANDLA igama,
Ngicel' ungikhiphe kwelobushiman' ibandla,
Umungas' ungiqome njengamanje ngiqinisile ngizomazis' Umama,
Vumaphela angith' uyabona ngiyakuthanda,

Shwa Shwi hhayi khona
Akukaze kwashelwa kanjena,
Angisolimuntu yingakho ngishime kanjena,
Ngiyingqongqo nginesipiliyoni kwezobushimane boqobo.