Izinkondlo Zothando

UYIN' UMUNTU WESIMAME
Uyinja, unobunja, wenzis' okwenja,
Uphilis' okwenja, udlis' okwenja, uyinja nje,
Uyisilima, unobungozi mqaphelisise,
Uyin' umuntu wesimame?

Akanal' uthando, mqaphelisise,
Akanab' ubuntu, mcabangisise,
Uyazenzisa, mbhekisise,
Impisi nesikhumba semv' uqobo,
Uyin' umuntu wesimame?

Sondez' indlebe ngikuhlebele,
Lalela lapha ngikuzekele,
Uyinj' exhaph' amanz' ingaqedi,
Yon' ekhonkoth' ingath' ingaphezi,
UnamaRab' angalapheki,
Khumbula ngiyakuhlebela,

Ngililel' isizukulwane samadod' esizayo,
Kuzo lezizinj' ezinamazinyo
Abukhal' ahlabayo,
Ziyofa zizilanda lezizinto ngiyafunga,
Woza ngikuphenqel' ifayela,
Uyin' umuntu wesimame?