Lezi nhliziyo akusizo ezethu
Zihleli empilweni yethu Kodwa akuzo ezethu
Zinjengempilo ekungasiyo eyethu
Zingezabanye abaziphethe
Kuthina zisemlindweni wabanikazi
Lezi nhliziyo akusizo ezethu.
Le nhliziyo akusiyo eyami
Kuvele kufike owokuhamba ashaye umthetho
Ngeqholo ngiqhethe ngalinde ukubona isiphetho
Lenhliziyo ivele yashaya ukhetho
Yahamba nomuntu wokuhamba.
Zihleli empilweni yethu Kodwa akuzo ezethu
Zinjengempilo ekungasiyo eyethu
Zingezabanye abaziphethe
Kuthina zisemlindweni wabanikazi
Lezi nhliziyo akusizo ezethu.
Le nhliziyo akusiyo eyami
Kuvele kufike owokuhamba ashaye umthetho
Ngeqholo ngiqhethe ngalinde ukubona isiphetho
Lenhliziyo ivele yashaya ukhetho
Yahamba nomuntu wokuhamba.
Ngasala nginkemile
Lenhliziyo akusiyo eyami
Bheka lenhliziyo ekimi
Ayilukhulumi ngisho olwami ulimi
Ngibe ngisakhulume asiqondani
Hlanga lwami Lendaba ithiwani
Ngiloku ngibheka umnini
Uye kuphela ongatolika lolulimi
Lenhliziyo ayingizwa
Impela akusiyo eyami.
Lenhliziyo akusiyo eyami
Bheka lenhliziyo ekimi
Ayilukhulumi ngisho olwami ulimi
Ngibe ngisakhulume asiqondani
Hlanga lwami Lendaba ithiwani
Ngiloku ngibheka umnini
Uye kuphela ongatolika lolulimi
Lenhliziyo ayingizwa
Impela akusiyo eyami.
Zihambile izihliziyo nabanikazi
Zasakhela abashadikazi
Zaletha amadodana namadodakazi
Mina namanje lento angikayazi
Ihlala kanjani eyomunye komunye
Impela labantu bamuntu munye
Banothando lunye
Nebhayibheli liyasho wakhipha ubambo lomunye
Wakha ngalo omunye
Ngikholiwe namuhla
Izinhliziyo zethu zingezabanye.
Zasakhela abashadikazi
Zaletha amadodana namadodakazi
Mina namanje lento angikayazi
Ihlala kanjani eyomunye komunye
Impela labantu bamuntu munye
Banothando lunye
Nebhayibheli liyasho wakhipha ubambo lomunye
Wakha ngalo omunye
Ngikholiwe namuhla
Izinhliziyo zethu zingezabanye.
Le nhliziyo akusiyo eyami
Ubuhlungu kwinhliziyo ebheka umnini
Linda nhliziyo yami kusasemini
Ngyazi uyakhala uthi kanti uza nini
Kade bekukhohlisa bezenza yena umnini
Mhla efikayo ezolanda inhliziyo yakhe
Uzothatha kwamina uqobo sengingowakhe
Ngihambe naye eyongenza umkakhe
Mhla inhliziyo ifika ekhaya
Iyolala iphumule inethezeke
Ayikho indawo enjengekhaya
Umnikazi uyoyithatha lenhliziyo ayinike ikhaya
Kakade ingeyakhe
Noma ikimi nje
Kodwa lenhliziyo
Akusiyo eyami.
Lezi nhliziyo akusizo ezethu…
Ubuhlungu kwinhliziyo ebheka umnini
Linda nhliziyo yami kusasemini
Ngyazi uyakhala uthi kanti uza nini
Kade bekukhohlisa bezenza yena umnini
Mhla efikayo ezolanda inhliziyo yakhe
Uzothatha kwamina uqobo sengingowakhe
Ngihambe naye eyongenza umkakhe
Mhla inhliziyo ifika ekhaya
Iyolala iphumule inethezeke
Ayikho indawo enjengekhaya
Umnikazi uyoyithatha lenhliziyo ayinike ikhaya
Kakade ingeyakhe
Noma ikimi nje
Kodwa lenhliziyo
Akusiyo eyami.
Lezi nhliziyo akusizo ezethu…
No comments:
Post a Comment